Mchoraji wa miundo ya magari nchini
India Sudhakr Yadav amejaribu kuweka rekodi ya pili ya Guiness kwa
kutengeneza gari analotumai litakuwa ndilo kubwa zaidi duniani.
Gari
hilo, ambalo limeundwa likifanana na gari aina ya Ford Toure
lililoundwa mwaka 1922, lina urefu wa futi 26 (mita 8) kwenda juu na
ukubwa wa futi 50 lina ukubwa maradufu wa basi lililo na ghorofa mbili
mjini London.
Bwana Yadav tayari anashikilia rekodi ya kitabu cha Guiness kwa kuwa na baiskeli ndefu zaidi duniani.
Mchoraji
huyo wa miundo ya magari anamiliki makavazi ya magari katika mji wa
Hyderabad ulioko kusini mwa India ambapo anaonyesha mitindo tofauti ya
magari.
Magari hayo yana maumbo na ukubwa tofauti.
''Tunalenga kuvunja
rekodi ya kitabu cha Guiness kwa kuunda gari kubwa duniani. Ni rekodi
mpya na nina matumaini nitaipata," alisema.
Anatarajia gari hilo liwe na mngurumo sawa na wa magari ya mbio za langalanga au Formula One.
Baiskeli yake ya magurudumu matatu ni ndefu zaidi ya gari hilo ikiwa na futi 41.5 kwenda juu.
Chanzo: BBC Swahili
Sign up here with your email
OR 
